أحمد إبراهيم طليق أنغام يوضح حقيقة إرتباطة بالفنانة شيرين عبدالوهاب

كشف الموزع الموسيقي أحمد إبراهيم حقيقة ما تم تداوله مؤخرا عن زواجه من النجمة شيرين عبد الوهاب.

قال أحمد إبراهيم في لفاء سريع مع الصحفي ربيع هنيدي: “المفروض الكلام ده يتقال في شهر أبريل عشان تبقى كذبة أبريل، في حاجات بتضحك، الأول بقول لشيرين كل سنة وأنتِ طيبة، وبسلم عليها من خلالك، انا ماشوفتهاش من سنة، وأقول لها ياريت تكلمني من رقمها الجديد لإني معيش رقمها، شيرين صديقة وأخت”.

وتابع أحمد إبراهيم: أنا زيي زي الناس فوجئت بالكلام ده وماليش دعوة بضرب شيرين بأنغام، الناس دي محترمين جدا، وأنا لي نفسي، ومعرفش مين صاحب الفكرة دي، بعد 22 سنة أنا وشيرين أصحاب، يطلع الكلام ده اتقال دلوقتي، وأحنا أصدقاء واخوات ولما شوفته فضلت أضحك عليه”.

أحمد إبراهيم وانفصالة عن انغام

يذكر أن أحمد إبراهيم تزوج أنغام وأعلنا الانفصال بعد زواج استمر عام تقريبا.

شيرين عبد الوهاب تقاضي شقيقها

من جهة أخرى، كتب محمد شقيق الفنانة شيرين عبد الوهاب، منشورا جديدا عبر حسابه الشخصي على موقع التواصل الاجتماعي فيسبوك، كشف من خلاله تقدم شقيقته ببلاغ للنائب العام ضده. 

ولم يكشف شقيق شيرين عبد الوهاب، تفاصيل البلاغ المقدم ضده من قبل شقيقته، ولكنه تهكم على مساعي البعض للصلح بينهما. 

وكتب شقيق شيرين عبد الوهاب، عبر فيسبوك: «والنبي يا ملايكة .. الناس اللي بتبعتلي دي اختك والدم عمره ما يبقي ميه والدفر عمره ما يطلع اللحم وكلام الافلام ده خلاص شبعت منه كتييييير دى واحده من سنتين كانت هتحبسني ولسه مقدة بلاغ فيا في النائب العام من يومين .. والاخوة الصحفيين والإعلاميين و معدين البرامج اللي عايزينها حريقة ريحو نفسكم اي حاجة هحب أوضحها هنزلها عندي محدش يكلمني .. شكرا».