خرجت النجمة هالة صدقي عن صمتها، وشاركت جمهورها فيديو مباشر عبر حسابها الرسمي على إنستغرام، ردّت فيه بقوة على ما وصفته بـ”حملة مدفوعة” ضدها انتشرت مؤخرًا على بعض منصات التواصل الاجتماعي، مؤكدة أنها اضطرت للرد رغم رغبتها في الصمت.
إقرأ أيضا:
وقالت هالة في بداية الفيديو:
“أنا كنت وعدتكم إني هتكلم، ومكنتش حابة أتكلم دلوقتي، لكن للأسف اضطريت. بشكر اللي دافع عني، وبشفق على النفوس الضعيفة اللي اتدفعلهم جامد أوي”.
🗯️ سخرية لاذعة: “سلاحف النينجا ومأجورين بيكتبوا عليا”
وفي نبرة ساخرة، أضافت الفنانة المصرية:
“أنا طالعة أهو، بس ناقصنا شوية عنب وبطيخ.. إحنا في الصيف، وهم فاضيين وبيسلوكوا!
في ست اسمها كله شر شر شر، اسم على مسمّى، مأجرينها خمسة سلاحف نينجا بيكتبوا إني فنانة مسنّة، والمقصود أنا!”.
وتابعت متحدية:
“أنا ممكن أبقى في التسعينات، بس روحي أنضف من عيل صغير، وكوني في الستينات مش تهمة، ده شغل ستات فاضية وتافهة!”.
🖼️ هجوم على فنانة منافسة: “عملت شغل في جدة وشالوه!”
لم تكتفِ هالة صدقي بالدفاع عن نفسها فقط، بل وجهت انتقادات مباشرة إلى إحدى الفنانات التي لم تذكر اسمها، قائلة:
“بتسمي نفسها رسّامة، عملت حاجة في ميدان في جدة، ولما عدى مسؤول قال: إيه الزبالة دي؟ وشالوها فورًا!”.
وأضافت في لهجة نارية:
“الجمهور بيقول عليا ملكة.. وأنا ما بقولش كده عن نفسي. لكن الست دي بتسمي نفسها الإمبراطور! وهي اللي ضيّعت مستقبل راجل مهم جدًا في الدولة”.
📣 رسالة للإعلاميين الشباب: “الصدق والسمعة أهم من الشهرة”
وفي ختام الفيديو، وجّهت هالة صدقي رسالة توعية مهمة للإعلاميين والمحتوى الرقمي:
“أنا بعتذر إني بتكلم في موضوع تافه، لكن ضروري أحذر شباب الصحافة والإعلام. صدقك واحترامك لنفسك أهم من أي إغراء، لأن السمعة لو ضاعت مش هترجع”.
📸 ظهورها الأخير: “جاتلك الأوريجينال”
وكانت هالة صدقي قد ظهرت في فيديو سابق جمعها مع النجم ماجد المصري وزوجته، وتفاعل الجمهور مع تعليقها الطريف:
“جاتلك الأوريجينال”، في إشارة ساخرة من فيديوهات المنتحلين والمشاكل المنتشرة مؤخراً.
