قالت شيرين عبد الوهاب في تصريحات صحفية اليوم:
إقرأ أيضا:
“أنا بستغيث من الناس بصفتي أمًا لدي ابنتان أريد أن أفك رقابتهما من حسام حبيب. إنها تضطر أغلب الوقت للصمت بسبب تهديده وابتزازه وسيطرته الكاملة على ابنتيّ خصوصًا خلال الفترة الأخيرة. حولت حسام حبيب مبلغ قدره 10 ملايين جنيه، وقضيت الفترة الماضية من حياتي بين البكاء والخوف. حسام واهد مني عربية رانج روفر ماركة 2008 وباعها، وكذلك ساعتين رولكس، وكسر الخزنة بتاعتي التي كانت في شقة في كومبوند، وأخذ منها التنازلات الخاصة بقضية شركة روتانا حتى ذهبي كله أخذه مني”.
رد حسام حبيب
في تصريحات لـ ET بالعربي، قال حسام حبيب:
“طبعًا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من كل اللي بيحصل. ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها. الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها!! ثانيًا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت أني زوجها وحولتلي”.
وأضاف حبيب:
“شيرين عبد الوهاب دمها بقا تقيل والمرة دي بجد هحبسها. هي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل. آخر مرة لما الأمر وصل للنيابة والحوار كبر، في الآخر عشان أنا زهقت عملتلها بلوك”.
المزيد من تصريحات حسام حبيب
وأكمل حبيب حديثه:
“الموضوع مش بالعافية أنا مش عايز أرجع، وأنا اللي في سجن وعايز أتحرر منه. أنا اللي تعبت واستحملت إهانات بقالى سنين على حاجات محصلتش، وعمري ما اشتكيت ولا تكلمت ولا دفعت عن نفسي عشان ميطلعش شكلها وحش. بس خلاص كدا أنا فاض بيا، وكل حاجة هتتقال للناس زي ما حصلت بظبط. أنا عمري ما طلعت أسرار حد برا، ولا عمري ما كنت هعمل كدا”.
وتابع:
“بس خلاص أنا اضطريت لكدا، الحياة مش بالعافية أنا مش عايز أرجعلها، وأنا اللي بستنجد بالناس وبقولهم نجمتكم الكبيرة اللي بتحبوها من سنين كتيرة، عايز أبعد عنها ومش عارف. أتصرف إزاي وأستنجد بمين، وأنا بدعي ربنا قدامكم أهو: يارب عايز أبعد عنها يارب ومش عارف أعمل إيه. أنا تعبت بجد وسنين من الظلم والإهانة وبسكت ومبردش، وكل الكلام اللي كانت بتقوله غلط كله”.
عن سرقة الخزنة
علق حبيب على اتهامه بسرقة خزنة شيرين:
“أنا عايز أعرف إزاي سرقتها، هل دخلت وأنا لابس طاقية الأخفاء، ومحدش شافني. كل مرة سرقة وكلام أقل بكتير من أني أعلق عليه، كل شوية أنا سرقت وعملت، وأنا بستنجد بكل الناس أرحموني منها. دا ذنب أنا عملته في حياتي، أنا مش عارف إيه دا، ولسة هطلع أتكلم كمان بكل التفاصيل، ومش بقول كدا عشان أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي، الحمدلله متربي ومن عيلة كويسة جدًا، ومتربي في أماكن كويسة ومتعلم في مدارس كويسة جدًا، وبعرف ربنا سبحانه وتعالى”.
وختم:
“وعايز أقول للناس كلها: شيرين عبد الوهاب بتستقوي بيكم، ودائمًا بتهددني عشان لو معملتش حاجة، تقولي مش هخليكم تمشوا في الشارع، فأرجوكم بالله عليكم بلاش تمشوا مع حد عايز يظلم حد”
