نجوم لبنان يحيون الذكرى الرابعة لكارثة انفجار مرفأ بيروت ويطالبون بالعدالة

في الذكرى السنوية لانفجار مرفأ بيروت، قام العديد من النجوم اللبنانيين بالتعبير عن حزنهم وتضامنهم مع الضحايا وأسرهم عبر منصات التواصل الاجتماعي، معبرين عن آلامهم وآمالهم بتحقيق العدالة.

إليسا

كتبت الفنانة إليسا عبر منصة إكس (تويتر سابقًا): “وعد انو ما راح يمرق نهار وما نحكي فيه عن ٤ آب وعن يللي صار بأهلنا ومدينتنا. ما راح ننسى وما راح نسامح. الوجع كبير بس حبّنا لهالبلد بيبقى أكبر من كل شي. الله يحميك يا لبنان”.

نانسي عجرم

وقالت نانسي عجرم التي غنت “بيروت الأنثى”: “كم إم اليوم عم تبكي عالسكت؟ كم عايلة تغيّرت حياتن للأبد؟ كم ولد تيتّم وصار وحيد؟ وكم جريح بعدو يمكن لهلق عم يعاني؟ كرمالن كلّن وكرمال الضحايا الأبريا اللي راحوا ب ٤ آب ما رح ننسى، العدالة لضحايا انفجار مرفأ بيروت”.

نجوى كرم

كتبت نجوى كرم: “كيف رح ننسى؟ وما فينا ابداً… بس لازم نكفّي ونكفّي، حتى يعرف الكلّ الكلّ، إنّو نحنا الشّعب الحيّ!! بيروت، نحن أبناء القيامة. لبنان عايش بقلب الله”.

دانييلا رحمة

شاركت دانييلا رحمة بقولها: “بكل سنة بذات اليوم والوقت، بيرجع ذات الوجع وكأنه علّم فينا ورافض يتركنا. متل اليوم وبلحظة خسرنا أكتر من ٢٠٠ شخص وتغيّرت حياتنا كلنا. كرمالنا وكرمالن رح نضل نطالب بالعدالة تنصفهن وساعتها بس القلب يمكن يشفى والوجع يمكن يخفّ”.

ماغي بوغصن

عبرت ماغي بوغصن عن حزنها قائلة: “٤ سنين مرقوا على تاريخ ما رح ينساه كل لبناني. الله يرحم الشهدا اللي سقطوا متل هاليوم ويصبر أهلهم وناسهم. صار لازم عدالة الأرض تتحقّق.. صار لازم نعرف كل الحقيقة”.

زهير مراد

شارك مصمم الأزياء اللبناني العالمي زهير مراد عبر ستوري إنستجرام، صوراً للدمار الذي حل في دار الأزياء الخاص به في وسط بيروت عام 2020.

نادين نسيب نجيم

تفاعل جمهور نادين نسيب نجيم مع ذكرى الانفجار، حيث كتبوا منشورات تتمنى لها السلامة والصحة والأمان دائمًا عبر منصة إكس، نظرًا لأنها كانت من المتضررين جسديًا في الانفجار لقرب منزلها من مرفأ بيروت.

نجوم آخرون

ومن النجوم والمشاهير الذين شاركوا حزنهم في الذكرى السنوية للانفجار، على السوشيال ميديا، عاصي الحلاني، مايا دياب، باميلا الكيك وغيرهم.