رحب الفنان محمدرمضان بفكرة التعاون مع الفنانة هيفاء وهبي في أي عمل.
وقال رمضان في لقائه مع ET بالعربي عن هيفاء وهبي: “بحبها جدا وفنانة جميلة أكيد ممكن يجمعنا عمل، توقع أن يكون في بينا تعاون”.
غياب محمد رمضان عن موسم رمضان 2025
وكشف محمد رمضان سبب قراره باستمرار غيابه عن جمهوره وعدم تقديم مسلسل جديد في رمضان 2025.
إقرأ أيضا
وقال رمضان: “عايز اتفرغ شوية للسينما والدراما بتاخد مني وقت طويل وبتاخد مجهود كبير، وكنت محتاج السنتين دول اشتغل على الفيلم الصعب اللي بصوره، والفيلم اللي بعده كمان أصعب منه”.
وتابع رمضان: “الدراما مقارنة بنسبة الأعمال السينمائية لازم تكون زي نسبة الدهون في الجسم لو زادت أوي بريق النجم يروح، زي السجاير أه حاجة بتشربها لو زودت منها خطر على المدى البعيد”.
كان رمضان أعلن عن عدم مشاركته في موسم رمضان 2025.
يأتي ذلك بعد أن كشف رمضان منذ عدة أشهر في مداخلة هاتفية على شاشة DMC: “خدت إجازة من رمضان 2024، وإن شاء الله هكون موجود في رمضان 2025 مع الشركة المتحدة”.
