أثنى الفنان وائل جسار على مشاعر الحب والإعجاب التي عبرت عنها الفنانة أسماء جلال نحوه، مؤكداً على موهبتها الفنية وتمنياته لها بالتوفيق في حياتها الشخصية والفنية.
إقرأ أيضا:
وقال جسار: “أشكرها على محبتها الكبيرة، وإن شاء الله ربنا يوفقها في حياتها الشخصية والفنية، تصريحاتها كانت تلقائية جدا، وعبرت عن حبها لي بشكل لذيذ جدا، أشكرها من كل قلبي” بحسب تصريحاته لـ المصري اليوم.
وتابع وائل : “ربنا يوفقها بابن الحلال، واللي يحبها حب مالوش حدود، لأنها تستاهل كل خير، ونظرتي المستقبلية لها إنها ستكون نجمة كبيرة إن شاء الله”.
التصريحات السابقه بخصوص وائل جسار :
وكانت أسماء حكت خلال لقائها في برنامج “معكم” مع منى الشاذلي عن تعلقها الكبير بوائل جسار قائلة: “بحبه جدا.. كنت الشخصية الملزقة اللي بحط صوره في كل حتة، وبعدين الموضوع تطور وبقيت غريبة الأطوار جدا وبقيت أحضر حفلاته كلها”.
تابعت: “بقى لما يعمل حفلة أكون أول واحدة عارفه مكانها فين وأحجز ترابيزة كاملة ليا عشان أركز معاه، وكنت ألبس فستان حتى لو الناس حواليا لابسة عادي عشان يشوفني، مع إنه متجوز .. فمش فاهمة أنا كنت بعمل ايه”.
وواصلت: “طبعا ولا أخد باله مني خالص لحد ما في مرة أعتقد خاف مني وقتها، لأن روحت له كنت عاوزة أتصور معاه، فقلت له عارف إننا هنتجوز؟ قالي والله!!.. كنت صغيرة والله العظيم وقتها يا جماعة.. لسه بحبه بس مش بعمل زي زمان، وربنا يبارك له في مراته وولاده”
