في أول ظهور لها بعد زواجها، تحدثت الفنانة بشرى عن زوجها خالد حميدة وكشفت كيف تعرفت عليه وكيف بدأت قصة حبهما.
إقرأ أيضا:
قصة تعارفهم
قالت بشرى خلال لقائها في برنامج “حد النجوم” مع الإعلامية إيمان الحصري عبر قناة DMC:
“إحنا كنا زملاء في مدرسة واحدة، نعرف بعض من أيام المدرسة وأخوه كان مع أختي في الفصل وصديقها جدا زي أخوها، كل الناس اللي كانوا معانا في المدرسة كانوا عارفين هذه المعلومة وكان كتير منهم معزومين في الفرح، هو شخص أنا أعرفه من زمان جدا”.
علاقته بالفنان محمود حميدة
وعن علاقته بالفنان محمود حميدة، قالت بشرى:
“الفنان الكبير محمود حميدة هو اللي مربيه لأن والده توفى لما هو اتولد، وحتى وإحنا في المدرسة اللي كان بيجي اجتماع أولياء الأمور على طول أستاذ محمود حميدة مع والدته السيدة مها”.
تفاصيل قصة الحب والزواج
أكملت بشرى حديثها عن زوجها خالد حميدة قائلة:
“هو شخص ساب مصر لفترة طويلة، ولما ظهر من سنة ابتدينا نرجع نتكلم، واشتغلنا سوا والشغل جاب احتكاك وتعارف أكتر، وأنا مش باخد وقت كبير في قرار الجواز لأني معنديش رفاهية أفضل أعرف حد ويتحسب عليا، أنا عارفة المجتمع اللي أنا عايشه فيه وأنا أم وعندي أولاد وست مشهورة ولازم أراعي الجزء دا، لما أعرف حد ويكون في ارتباط بفضل نمشي بشكل رسمي عشان أريح بالي من الصداع واحتراما لأمومتي وجمهوري”.
وأضافت بشرى:
“خالد شخصية مستقلة جدا عايش برا مصر، بيفكر بطريقة خارج الصندوق المعتاد هنا وشبه فكري، شبه فكري لأن أنا على قد ما أنا شرقية وبحترم المجتمع اللي أنا فيه لكن عندي أفكار غربية كتير عشان نشأتي زيه هو مواليد بريطانيا زي حالاتي، هو عملي وأنا ست عملية، هو شخص بيكره المدينة وبيحب يبعد عنها ويروح أماكن فيها طبيعة وإحنا شبه بعض في كده، مجتهد وبتاع شغل وأنا كده”.
