في أحدث حلقات برنامج “آخر سؤال” على قناة أبو ظبي، كانت الفنانة شيري عادل ضيفة مميزة، حيث طُلب منها تنفيذ مقلب في إحدى صديقاتها من الوسط الفني. وبدون تردد، اختارت شيري زميلتها الفنانة بشرى لتنفيذ المقلب، والذي كان مليئًا بالمواقف المضحكة والمفاجآت.
إقرأ أيضا
مكالمة مفاجئة وقرار صادم
اتصلت شيري عادل ببشرى وبدأت الحديث بجدية قائلة:
“أنا أخدت قرار وعايزة أقولك عليه، وعايزاكي تشجعيني. دا قرار مصيري ومحتاجاكي تقفي جنبي فيه. أنا قررت اعتزل التمثيل وهفتح حضانة أطفال.”
ردت بشرى بذهول:
“نعم نعم.. لأ ثانية واحدة، يعني إيه الكلام الكبير دا؟ إنتي بتهزري؟”
أكملت شيري محاولة إقناعها:
“لا أنا مبهزرش، إيه المشكلة؟ أنا كنت فاكراكي هتقفي جنبي.”
بشرى تشكك في الأمر
لم تستسلم بشرى للفكرة بسهولة، حيث قالت:
“إنتي بتشتغليني يا حبيبتي؟ شكلك كده؟”
وأضافت شيري بثقة:
“لا مبشتغلكيش، أنا فاكراكي أن أي قرار متفقين عليه إحنا أصحاب، وأي قرار المفروض أن إنتي تقفي جنبي فيه.”
رد فعل بشرى الصادم
لم تتمالك بشرى نفسها وردت بحيرة:
“أيوة دا كلام؟ إنتي عيلة صغيرة تعتزلي إيه؟ هو فيه ‘فرة’ في البلد؟ حكيم عايز يعتزل ومش عارف مين عايز يعتزل؟ دا كلام مش منطقي.”
ولم تتوقف شيري عن إكمال المقلب، حيث قالت:
“ما أنا هفتح حضانة.. حضانة افتحيها كده كده، وإنتي شغالة إيه هيمنعك؟ مش هعرف أركز فيها، دا خلاص قرار أخدته ومش هرجع فيه.”
